【天后最新按摩店 自家調製香薰精油 最平只需$188 起】
今次小編去咗鄰近天后地鐵站最新開張嘅「浮生」按摩店，佢主打由專業香薰精油師調製以大自然五行為概念嘅按摩精油，配合埋唔同國家嘅按摩師，提供足底、頭肩頸及全身按摩。「偷得浮生半日閒」，近幾年越嚟越多新按摩店，生活忙碌嘅香港人係時候要俾自己嘅身體好好休息一下啦！
店舖環境
按摩店離地鐵站大概只有5分鐘路程，舖頭向前行就係維多利亞公園，地點幽靜又方便。入到去成間嘅設計都好似泰國嗰啲按摩店一樣，走東南亞風，配以唔同氣味嘅香薰，整潔企理，俾人一種好舒服放鬆嘅感覺。
按摩過程
一入到去職員就叫我除鞋著拖鞋，之後就同我介紹店內嘅皇牌「五行香薰全身按摩」，有五款佢哋自家調製嘅精油可以㗎揀，分別係金(強化及改善呼吸系統、舒緩情緒)、木(調理免疫系統)、水(改善淋巴、排毒)、火(舒壓助眠)及土(放鬆肌肉、幫助消化系統、預防腸胃不適)，每一款都係針對香港都市人嘅需要而調配出嚟，揀咗最適合自己嘅精油之後，就會有一張同泰國越南按摩店一模一樣嘅紙仔，俾你揀按摩力度同埋填返身體邊一part最攰最想按多啲，之後就會帶你入房按摩，成個過程十足十返到泰國揼骨一樣啊！好懷緬
小編實測
而小編就揀咗「水」精油，因為想通淋巴同埋排下毒，順便瘦下身呀嘛！按摩嘅時候一邊聞住獨特香氛一邊按摩，超舒服！而且師傅會針對我攰嘅位幫我按摩，舒緩不適，按完之後肌肉明顯比之前鬆咗！完成之後仲有得飲養生花茶配一塊小餅乾，成個人醒神哂
總結
呢間新店我都推介大家去，因為師傅手勢真係唔錯，佢會按到你身體咩部位唔好，從而幫你按返鬆佢，而且按摩完嗰杯花茶意外地好好飲！俾出面啲餐廳仲好飲，好清甜，超適合按摩完之後用嚟補充返體力
開張優惠價： 五行香薰全身按摩 $748/110分鐘 精選足浴按摩套餐 $488/90分鐘 CBD大麻油深層肌肉按摩 $568/50分鐘
另有： 頭肩頸按摩 $188/30分鐘 養生足底按摩 $218/50分鐘
浮生按摩 地址︰天后永興街 2A 至 2E 號地下 營業時間︰12nn-11:30pm 電話︰2513 0588 / 6025 2028 (whatsapp)
Comments